Zaj Nyeem Ib
Yes Les Mias 1:4-5,17-19
Cov lus nyob hauv Ntawv Nes Hes Mias
Huab Tais hais rau kuv li no:
"Thaum koj tseem tsis tau xeeb hauv koj niam plab,
kuv twb paub koj lawm.
Koj tseem tsis tau tawm hauv koj niam lub plab los,
kuv twb xaiv koj,
kuv twb tsa koj ua tus Yaj Saub qhia cov kuj cuab."
Koj sia koj duav khov.
Koj sawv tsees mas !
Koj yuav hais txhua yam kuv qhia koj hais no rau lawv.
Koj tsis txhob tshee nyob ntawm sawv daws xub ntiag.
Yog koj tshee mas kuv yuav ua kom koj tshee nyob ntawm lawv xub ntiag.
Koj saib :
hnub no kuv muab koj los ua ib lub tsheej xov ntsa zeb,
ua ib tug ncej hlau,
ua ib lub phab ntsa tooj tiv tas lub teb chaws,
tiv cov vaj Yus Das,
tiv cov nom tswv nyob Yus Das teb,
tiv cov Leej Choj thiab tiv tsoom pej xeem huv tib si nyob hauv lub teb chaws.
Lawv yuav nrog koj sib ntaus rog,
tab sis lawv yuav tsis yeej koj,
vim kuv nrog koj nyob, kuv npo koj.
Yog Huab Tais lo lus ceeb toom.
Yog Tswv Ntuj lo Lus
Nkauj Paj Nruag Txais Ntuj Lus
NPN 71:1-2,3-4,5-6,15-17(15ab)
Txais: Kuv yuav hu nkauj cav txog koj txoj kev cawm neeg.
(Nqua Suab Cav Txog Tswv Ntuj, 173)
1. Huab Tais,
koj yog kuv qhov chaw nkaum,
thov kom kuv tsis txhob poob ntsej muag ib zaug ntxiv.
Koj siab ncaj,
koj cawm kuv,
koj npo kuv.
Koj tig ntsej los mloog kuv,
thov koj cawm kuv mas. Teb.
2. Koj yog kuv lub tsua,
yog lub yeej ntsa zeb thiav kuv.
Kuv tus Tswv Ntuj,
thov koj npo kuv dim ntawm tus neeg lim hiam txhais tes. Teb.
3. Huab Tais Tswv Ntuj,
koj yog kuv lub chaw tso siab.
Txij thaum hluas los,
kuv tso siab rau koj.
Txij thaum kuv yug los,
kuv khaub zig koj.
Thaum kuv nyob nruab thiab,
koj yeej yog kuv lub zog. Teb.
4. Kuv lub ncauj yuav niaj hnub cav txog koj txoj kev ncaj thiab kev cawm.
Tswv Ntuj,
koj tau qhuab qhia kuv txig thaum kuv yaus los txog niaj hnub no.
Kuv yuav cav lus zoo txog koj tej txiaj ntsim. Teb.
Zaj Nyeem Ob
1 Kos Lis Nthos 12:31-13:13
Cov lus nyob hauv Kos Lis Nthos Tsab Ntawv Ib
Kwv tij sawv daws,
nej yuav nrhiav cov txiaj ntsim muaj nqis dua cov.
Thiab kuv yuav qhia ib txog kev zoo tshaj cov txiaj ntsim ntawd tib si.
Yog kuv txawj hais ntau haiv neeg cov xeem lus,
thiab txawj hais Ntuj cov Tub Xo cov xeem lus huv tib si,
tab sis kuv tsis muaj ib lub siab nyiam,
mas kuv tsuas yog ib lub nruas tooj nrov dag,
thiab ib lub nruas npuaj ncha ncha xwb.
Yog kuv txawj ua Yaj Saub,
los kuv paub tas ib puas tsav yam lus tob,
ib puas tsav yam txuj ci,
thiab kuv lub siab ntseeg loj heev,
txawm kuv lub siab ntseeg tshem tau tej lub roob rau lwm qhov,
tab sis yog kuv tsis muaj ib lub siab nyiam,
mas kuv tsis muaj nqis dab tsi.
Yog kuv muab kuv lub cuab tam tas huv tib si los faib rau cov neeg pluag,
thiab kuv muab kuv lub cev hlawv,
yog kuv tsis muaj ib lub siab nyiam,
mas txhua yam ntawd tsis nqa ib qho dab tsi zoo los rau kuv.
Lub siab nyiam txawj ua siab ntev,
ua siab sib,
tsis txawj khib,
tsis khav theeb,
tsis muab hlob.
Lub siab nyiam tsis ua tub qaug luag,
tsis nrhiav qhov zoo rau nws,
tsis npau taws,
tsis cib nyeej.
Lub siab nyiam tsis zoo siab pom luag tej ua tsis ncaj,
nws xav pom luag tej nrhiav qhov tseeb.
Lub siab nyiam zam rau sawv daws,
nws ntseeg sawv daws,
nws tso siab rau sawv daws,
nws ua siab ntev ris tas puas tsav yam nyuaj.
Txoj kev nyiam tsis txawj dua ib zaug.
Txoj kev ua Yaj Saub yuav ploj.
Muaj ib hnub twg,
cov neeg txawj txhais tej xeem lus txawv yuav nyob ntsiag to.
Txoj kev txawj kev ntse kuj yuav dua.
Vim tias,
txuj ci,
peb tsuas paub ib feem xwb.
Thaum txoj kev zoo txhij zoo txhua los txog,
mas tej yam uas neeg ua tau ib feem me me yuav ploj tas huv tib si.
Thaum kuv tseem yau,
kuv hais lus me nyuam yaus,
kuv xav tswv yim li me nyuam yaus,
kuv txawj xaiv xws li ib tug me nyuam yaus.
Thaum kuv hlob tiav lawm,
kuv tso tej kev ua me nyuam yaus pov tseg.
Zaum no,
peb pom tsis tseeb,
peb tsuas pom zoo li nyob hauv ib daim tsom iav.
Lwm tiam,
peb yuav pom xyeem ntawm qhov muag.
Nyem no,
kuv paub ib feem me me xwb.
Fab lwm tiam, kuv yuav paub,
ib yam li Ntuj paub kuv.
Nyem no,
txoj kev ntseeg,
txoj kev tsosiab,
thiab txoj kev nyiam tseem muaj nyob ua peb txog kev.
Tiam sis,
qhov loj tshaj mas yog txoj kev nyiam.
Yog Tswv Ntuj lo Lus
Zaj luv (Bài ngắn)
1 Kos Lis Nthos 13:4-13
Cov lus nyob hauv Kos Lis Nthos Tsab Ntawv Ib
Kwv tij sawv daws,
Lub siab nyiam txawj ua siab ntev,
ua siab sib,
tsis txawj khib,
tsis khav theeb,
tsis muab hlob.
Lub siab nyiam tsis ua tub qaug luag,
tsis nrhiav qhov zoo rau nws,
tsis npau taws,
tsis cib nyeej.
Lub siab nyiam tsis zoo siab pom luag tej ua tsis ncaj,
nws xav pom luag tej nrhiav qhov tseeb.
Lub siab nyiam zam rau sawv daws,
nws ntseeg sawv daws,
nws tso siab rau sawv daws,
nws ua siab ntev ris tas puas tsav yam nyuaj.
Txoj kev nyiam tsis txawj dua ib zaug.
Txoj kev ua Yaj Saub yuav ploj.
Muaj ib hnub twg,
cov neeg txawj txhais tej xeem lus txawv yuav nyob ntsiag to.
Txoj kev txawj kev ntse kuj yuav dua.
Vim tias,
txuj ci,
peb tsuas paub ib feem xwb.
Thaum txoj kev zoo txhij zoo txhua los txog,
mas tej yam uas neeg ua tau ib feem me me yuav ploj tas huv tib si.
Thaum kuv tseem yau,
kuv hais lus me nyuam yaus,
kuv xav tswv yim li me nyuam yaus,
kuv txawj xaiv xws li ib tug me nyuam yaus.
Thaum kuv hlob tiav lawm,
kuv tso tej kev ua me nyuam yaus pov tseg.
Zaum no,
peb pom tsis tseeb,
peb tsuas pom zoo li nyob hauv ib daim tsom iav.
Lwm tiam,
peb yuav pom xyeem ntawm qhov muag.
Nyem no,
kuv paub ib feem me me xwb.
Fab lwm tiam, kuv yuav paub,
ib yam li Ntuj paub kuv.
Nyem no,
txoj kev ntseeg,
txoj kev tsosiab,
thiab txoj kev nyiam tseem muaj nyob ua peb txog kev.
Tiam sis,
qhov loj tshaj mas yog txoj kev nyiam.
Yog Tswv Ntuj lo Lus
Nkauj Cav Txog Lub Moo Zoo
Lus Kas 4:18a
As les lus yas. As les lus yas.
Huab Tais xa kuv mus tshaj nws lub Moo Zoo rau cov pluag;
cov dig muag yuav rov pom kev tuaj,
cov raug txim yuav dim.
As les lus yas.
(Nqua Suab Cav Txog Tswv Ntuj, 234, nqe 2)
Ntawv Moo Zoo
Lus Kas 4:21-30
Nej mloog ib zag nyob hauv Lus Kas Ntawv Moo Zoo
Ces Yes Xus hais rau lawv tias :
“Hnub no,
cov lus nyob hauv zaj Ntawv no tsheej xeeb raws li nej tau hnov."
Tas cov neeg ntawd zeem tseeb tias nws hais lus zoo,
lawv qhuas cov lus muaj txiaj ntsim tawm hauv nws lub ncauj los.
Lawv hais tias :
"Tus ntawd,
tsis yog Yos Xes tus tub lod ?"
Ces Yes Xus hais rau lawv tias :
"Paub ntsoov,
nej yuav piv lus hais txog kuv tias :
Kws kho mob,
koj rov kho koj mas !
Tas txhua yam uas luag piav tias tshwm sim nyob Kas Fas Naus,
mas koj kuj ua ib yam li ntawd nyob hauv lub zos koj hlob no thiab mas !"
Yes Xus tseem hais ntxiv tias :
"Kuv hais tseeb rau nej,
tsis muaj ib tug yaj saub uas luag yuav txais nws zoo hauv lub zos nws hlob.
Kuv hais tseeb rau nej :
lub caij Es Lias nyob,
muaj coob tus poj ntsuam nyob His Xas Lais teb.
Thaum ntuj kaw nag tau peb xyoos thiab rau hli,
tas teb chaws tshaib plab loj kawg.
Tab sis Ntuj tsis xa Es Lias mus pab cov poj ntsuam His Xas Lais ib tug li.
Ntuj xa Es Lias mus pab ib tug poj ntsuam nyob lub zos Xas Les Tas,
nyob Xis Doos teb.
Lub caij tus yaj saub Es Lis Xais nyob,
muaj coob tus mob ruas nyob His Xas Lais teb,
tab sis tsis muaj ib tug mob ruas His Xas Lais rov huv,
tsuas yog tus mob ruas Xis Lias hu ua Nas Maas thiaj rov huv."
Tas cov neeg hauv lub tsev txoos hnov cov lus ntawd,
mas lawv npau taws kawg.
Lawv sawv tsees,
lawv ntiab Yes Xus tawm sab nroog nraud.
Lawv coj Yes Xus mus txog ntawm ib phab toj saum lub roob uas lawv txhim lub nroog,
lawv yuav thawb Yes Xus kom poob lawm hauv lub qab toj ntxhab.
Tab sis Yes Xus hla plaws hauv nruab nrab lawv,
nws taug nws kev mus lawm.
Yog Huab Tais Yes Xus Lub Moo Zoo
