Zaj Nyeem Ib
Yob 19:1,23-27a
Cov lus nyob hauv Ntawv Yob
Yob tsa ncauj hais li no :
Leej twg yuav los sau kuv cov lus,
leej twg yuav muaj txaug cia hauv ntawv ?
Muab rab txaug tooj txaug hlau los txaug saum zeb cia ib txhis.
Kuv paub tus txhiv kuv nws ciaj ciaj,
nws yuav ua tus kawg sawv lis tsees nrog plua tshauv los.
Dhau ntawd lawv ua kuv daim tawv nqaij pluam,
kuv lub cev yuav pom xyeem Tswv Ntuj.
Vim kuv yuav ntsia ntsoov pom kiag ntawm qhov muag yuav tsis yog tus qhua,
twb ua rau kuv nruab siab ceeb laj npaum li.
Yog Tswv Ntuj lo Lus
Nkauj Paj Nruag Txais Ntuj Lus
NPN 27:1,4,7 và 8b và 9a,13-14(13)
Txais: Kuv paub tseeb tias kuv yuav tau pom Huab Tais lub siab zoo nyob hauv tsoom neeg ciaj lub teb chaws.
1. Huab Tais yog kuv qhov pom kev,
nws yog tus cawm kuv.
Kuv yuav ntshai leej twg?
Huab Tais yog lub yeej ntsa zeb thaiv kuv lub neej,
kuv yuav ntshai tshee na ntawm leej twg xub ntiag ? Teb.
2. Kuv thov ib yam ntawm Huab Tais,
yog yam kuv nrhiav :
thov kom tas kuv sim neej,
kuv niaj hnub tau nyob hauv Huab Tais tsev,
kom kuv tau nuam ntsia saib Huab Tais zoo npaum li cas,
kuv xav ntsuam xyuas nws lub tuam tsev. Teb.
3. Huab Tais, koj mloog kuv lub suab hu txog koj !
Thov koj hlub, koj teb kuv !
"Nej nrhiav kuv lub ntsej muag !"
Huab Tais, kuv nrhiav koj lub ntsej muag.
Koj txhob thaiv koj lub ntsej muag rau kuv ! Teb.
4. Kuv paub tseeb tias kuv yuav tau pom Huab Tais lub siab zoo
nyob hauv tsoom neeg ciaj lub teb chaws.
Koj tos ntsoov Huab Tais mog !
Koj ua tus muaj zog, koj ua siab loj !
koj tos ntsoov Huab Tais mog ! Teb.
Zaj Nyeem Ob
Los Mas 5:5-11
Cov lus Paj Lug sau tuaj rau Cov Ntseeg nyob Los Mas
Kev tso siab ua kom peb tsis muaj chaw khuv xim,
vim Leej Ntuj Plig Ntshiab,
uas Ntuj pub rau peb,
nws hliv Tswv Ntuj txoj kev nyiam rau hauv peb lub siab.
Vim li ntawd,
lub sij hawm peb tsis muaj zog, thaum txog lub hnub nyoog teem,
Leej Pleev thiaj raug luag tua kom tau pab cov neeg tsis hwm Ntuj.
Yus yuav luag tsis kam tuag kom tau pab ib tug neeg ncaj ;
nyaj tej zaus yus yuav muaj peev xwm tuag kom tau pab ib tug neeg siab zoo.
Yam uas zeem tseeb tias Tswv Ntuj nyiam peb yog qhov tias thaum peb tseem yog neeg txhaum,
Leej Pleev tuag kom tau pab peb.
Nyem no peb twb ncaj tuaj nyob hauv Leej Pleev cov roj ntsha lawm,
mas nws haj yam yuav cawm peb ntawm kev npau taws.
Thaum peb tseem ua yeeb ncuab rau Tswv Ntuj,
nws Leej Tub kev tuag ua kom peb nrog Tswv Ntuj rov sib haum xeeb ;
nyem no peb nrog Tswv Ntuj rov sib haum xeeb lawm,
mas Tswv Ntuj Leej Tub txoj sia haj yam cawm peb.
Peb qhuas tau tias tam sim no,
peb tau kev rov sib haum xeeb nyob hauv Tswv Ntuj,
vim peb tus Huab Tais Yes Xus Pleev.
Yog Tswv Ntuj lo Lus
Nkauj Cav Txog Lub Moo Zoo
Zam 6:40
As les lus yas. As les lus yas.
Qhov uas kuv Txiv nyiam yog zoo li no :
leej twg pom Leej Tub
thiab ntseeg txog Leej Tub,
mas nws muaj txoj sia nyob mus li,
thiab Hnub Kawg,
kuv yuav tsa nws sawv rov los.
As les lus yas.
Ntawv Moo Zoo
Zam 6:37-40
Nej mloog ib zag nyob hauv Zam Ntawv Moo Zoo
Txhua yam uas kuv Txiv muab rau kuv yuav los cuag kuv.
Hos tus tuaj cuag kuv,
kuv yuav tsis ntiab nws rau nraum zoov.
Vim kuv nqes saum ntuj los,
tsis yog los ua ywj kuv siab,
yog los ua raws li Tus Xa kuv tuaj lub siab.
Tus Xa kuv tuaj lub siab xav,
yog zoo li no :
Kom kuv tsis txhob ua ib yam uas nws muab rau kuv ploj li,
thiab hnub kawg,
kom kuv tsa yam ntawd sawv rov los.
Qhov uas kuv Txiv nyiam yog zoo li no :
leej twg pom Leej Tub thiab ntseeg txog Leej Tub,
mas nws muaj txoj sia nyob mus li,
thiab Hnub Kawg,
kuv yuav tsa nws sawv rov los."
Yog Huab Tais Yes Xus Lub Moo Zoo
 Piv Txwv IB (Lễ 2/11 - Lễ Một)){kind=link}