Zaj Nyeem Ib (hai bài chọn một)
Mas Las Kis 3:1-4
Tus Huab Tais uas nej nrhiav nws yuav chaws los hauv nws kem tsev ntshiab.
Cov lus nyob hauv Ntawv yaj saub Mas Las Kis
1 Huab Tais Tswv Ntuj hais li no : Kuv yuav xa kuv tus tub tshaj xov mus tho kev ua kuv ntej. Ib sij huam, tus Huab Tais uas nej nrhiav nws yuav chaws los hauv nws kem tsev ntshiab. Tus Tshiab tuav lo lus cog uas nej nyiam nws tuaj txog ntawd lawm ! Yog tsoom tub rog tus Huab Tais hais li ntawd :
2 Hnub nws tuaj txog, leej twg yuav nyob taus ? Thaum nws yuav tawm tuaj leej twg yuav sawv taus ntsug tos nws ? Nws yuav zoo li tus nchuav hlau cov hluav taws. Nws zoo li tshuaj ntxhua khaub ncaws.
3 Nws yuav tuaj nchuav nyiaj kom huv tuaj Nws yuav ua kom Les Vis cov tub huv tuaj, ib yam nchuav kub thiab nchuav nyiaj kom tau cov tseem kub tseem nyiaj. Huab Tais yuav saib lawv yog cov cev thaj txi Ntuj raws kev ncaj.
4 Ces Huab Tais yuav pom zoo txais Yus Das thiab Yes Lus Xas Les thaj txi Ntuj ib yam li lub hauv paus thaud.
Yog Tswv Ntuj lo Lus
Hoặc : Hes Nplaws 2:14-18
Huab Tais Yes Xus thiaj yuav tsum yug los zoo ib yam li Nws cov kwv, Nws thiaj ua tau ib tug Leej Choj uas ib txhij khuv leej neeg..
Cov lus nyob hauv tsab ntawv sau tuaj rau cov ntseeg nyob Hes Nplaws
14 Kwv tij sawv daws, vim cov me nyuam koom ib co ntshav, ib ce nqaij, mas Yes Xus kuj nrog lawv koom, kom nws txoj kev tuag yeej tus tuav txoj kev tuag lub hwj huam, tus ntawd yog tus dab phem Xas Tas.
15 Yes Xus npo cov uas mag kev tuag muab lawv ua qhev nyob hauv txoj kev ntshai tuag tas ib sim neej.
16 Yes Xus tsis tuaj cawm cov Tshiab. Nws tuaj cawm Has Nplas Has tsoom xeeb ntxwv.
17 Vim li no, nws thiaj yuav tsum yug los zoo ib yam li nws cov kwv, nws thiaj ua tau ib tug Leej Choj uas ib txhij khuv leej neeg thiab npuab Tswv Ntuj. Nws so tsoom pej xeem cov txhaum pov tseg.
18 Vim nws tau raug kev sim siab, mas nws thiaj txawj pab cov raug kev sim siab.
Yog Tswv Ntuj lo Lus
Txais Ntuj Lus
NPN 24:7, 8, 9, 10 (10b)
(Nqua Suab Cav Txog Tswv Ntuj, 204)
Txais: Tus vaj nto koob meej no yog leej twg ? Nws yog peb tus Huab Tais !
1. Cov rooj vag, nej tsa kom siab mas !
Cov rooj loog txheej thaud, nej tshoom kom siab mas !
Tus vaj nto koob meej yuav chaws los hauv nej. Teb.
2. Tus vaj nto koob meej no yog leej twg ?
Yog tus Huab Tais muaj zog thiab muaj hwj chim.
Yog tus Huab Tais muaj hwj xyeej hauv tshav rog. Teb.
3. Cov rooj vag, nej tsa kom siab mas !
Cov rooj loog txheej thaud, nej tshoom kom siab mas !
Tus vaj nto koob meej yuav chaws los hauv nej. Teb.
4. Tus vaj nto koob meej no yog leej twg ?
Yog tus Huab Tais muaj hwj huam tas nrho. Teb.
Nkauj Cav Txog Lub Moo Zoo
Lus Kas 2:32
(Nqua Suab Cav Txog Tswv Ntuj, 228, nqe 3)
As les lus yas. As les lus yas.
Ib qho pom kev tawm tuaj kaj cov pej kum neeg, yog Koj tsoom pej xeem His Xas Lais lub koob meej. As les lus yas.
Ntawv Moo Zoo ( bài dài )
Lus Kas 2:22-40
Kuv qhov muag tau pom koj txoj kev cawm neeg.
Nej mloog ib zag nyob hauv leej ntshiab Lus Kas ntawv Moo Zoo
22 Thaum txog lub caij yuav ua kab ke ntxuav ob niam tub raws li Mais Xes Txoj Cai, Mab Liab thiab Yos Xes nkawd coj Yes Xus mus pem Yes Lus Xas Les, kom tau cev tus me nyuam rau Huab Tais.
23 Vim Huab Tais Txoj Cai sau tias : "Txhua tus me nyuam tub xub yug, yuav muab qee rau Huab Tais."
24 Nkawd tseem yuav cev ib co txim rau Ntuj raws li Huab Tais Txoj Cai uas sau cia tias : muab ib nkawg nquab lwb rwg, los ob tug thav nquab dawb.
25 Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus neeg ntawd yog neeg ncaj thiab nyiam teev Ntuj. Nws tos tus yuav tuaj nplij His Xas Lais. Leej Ntuj Plig Ntshiab nyob roos nws.
26 Leej Ntuj Plig Ntshiab tshoj nws ces nws paub tias yog nws tsis tau pom Huab Tais tus Pleev, mas nws yuav tsis tuag.
27 Leej Ntuj Plig coj nws tuaj nyob hauv lub Tuam Tsev Teev Ntuj. Thaum Mab Liab thiab Yos Xes nkawd coj tus me nyuam mos Yes Xus tuaj ua cov kab ke raws Txoj Cai,
28 Xis Mes Oos txais tus me nyuam los rau hauv nws ob txhais npab, nws cav lus zoo txog Tswv Ntuj tias :
29 Txiv Tswv, nyem no koj tso koj tus tub txib mus kaj lug, raws li koj lo lus,
30 vim kuv qhov muag tau pom koj txoj kev cawm neeg,
31 uas koj npaj nyob ntawm ib tsoom haiv neeg xub ntiag,
32 yog qhov pom kev tawm tuaj kaj cov pej kum haiv neeg, yog koj tsoom pej xeem His Xas Lais lub koob meej.
33 Yes Xus niam thiab txiv qhuas cov lus nkawd hnov hais txog tus me nyuam.
34 Xis Mes Oos foom hmoov zoo rau lawv, nws hais rau Mab Liab, Yes Xus niam tias : "Koj ntsia ! Tus me nyuam no yuav ua chaw rau ntau leej His Xas Lais ntog thiab ntau leej rov sawv. Nws yog ib lub cim ua kom sawv daws sib cav.
35 Hos ntawm koj, mas ib rab ntaj yuav hno koj tus plig, kom xwv tej lus uas coob leej xav tuaj nruab siab tawm los rau sawv daws paub.
36 Tseem muaj ib tug yaj saub poj niam, hu ua As Nas, yog Fas Nus Ees tus ntxhais, xeem As Ntxes. Nws lub hnub nyoog laus kawg. Dhau lub caij nws nyob ua nkauj xwb lawm, mas nws nrog nws tus txiv nyob xya xyoo,
37 ces nws ua poj ntsuam laus li ntawd txog yim caum plaub xyoos. Nws tsis nrug ntawm lub Tuam Tsev Teev Ntuj li. Nws yoo mov thiab hais cov zaj teev Ntuj los hawm Tswv Ntuj thawm hnub thawm hmo.
38 Tib lub sij hawm ntawd, As Nas kuj tuaj nyob ntawd thiab, nws cav lus zoo txog Tswv Ntuj, nws hais txog tus me nyuam rau txhia leej txhia tus uas tos txog txoj kev txhiv Yes Lus Xas Les.
39 Thaum lawv ua txhua yam raws li Huab Tais Txoj Cai tas lawm, lawv rov mus Nkas Lis Lais, hauv lawv lub nroog Nas Xas Les.
40 Hos ntawm tus me nyuam, nws hlob, nws muaj zog zuj zus, kev thoob tsib puv nws siab ntsws. Tswv Ntuj lub txiaj ntsim nyob saum nws.
Yog Huab Tais Yes Xus Lub Moo Zoo
Hoặc bài ngắn : Lus Kas 2:22-32
Kuv qhov muag tau pom koj txoj kev cawm neeg.
Nej mloog ib zag nyob hauv leej ntshiab Lus Kas ntawv Moo Zoo
22 Thaum txog lub caij yuav ua kab ke ntxuav ob niam tub raws li Mais Xes Txoj Cai, Mab Liab thiab Yos Xes nkawd coj Yes Xus mus pem Yes Lus Xas Les, kom tau cev tus me nyuam rau Huab Tais.
23 Vim Huab Tais Txoj Cai sau tias : "Txhua tus me nyuam tub xub yug, yuav muab qee rau Huab Tais."
24 Nkawd tseem yuav cev ib co txim rau Ntuj raws li Huab Tais Txoj Cai uas sau cia tias : muab ib nkawg nquab lwb rwg, los ob tug thav nquab dawb.
25 Thaum ntawd nyob Yes Lus Xas Les, muaj ib tug txiv neej hu ua Xis Mes Oos. Tus neeg ntawd yog neeg ncaj thiab nyiam teev Ntuj. Nws tos tus yuav tuaj nplij His Xas Lais. Leej Ntuj Plig Ntshiab nyob roos nws.
26 Leej Ntuj Plig Ntshiab tshoj nws ces nws paub tias yog nws tsis tau pom Huab Tais tus Pleev, mas nws yuav tsis tuag.
27 Leej Ntuj Plig coj nws tuaj nyob hauv lub Tuam Tsev Teev Ntuj. Thaum Mab Liab thiab Yos Xes nkawd coj tus me nyuam mos Yes Xus tuaj ua cov kab ke raws Txoj Cai,
28 Xis Mes Oos txais tus me nyuam los rau hauv nws ob txhais npab, nws cav lus zoo txog Tswv Ntuj tias :
29 Txiv Tswv, nyem no koj tso koj tus tub txib mus kaj lug, raws li koj lo lus,
30 vim kuv qhov muag tau pom koj txoj kev cawm neeg,
31 uas koj npaj nyob ntawm ib tsoom haiv neeg xub ntiag,
32 yog qhov pom kev tawm tuaj kaj cov pej kum haiv neeg, yog koj tsoom pej xeem His Xas Lais lub koob meej.
Yog Huab Tais Yes Xus Lub Moo Zoo
){kind=link}